“Rəqəmsal inkişafın əlaqələndirilməsi üzrə layihə meneceri” vakansiyası

İnnovasiya və Rəqəmsal İnkişaf Agentliyi “Rəqəmsal inkişafın əlaqələndirilməsi üzrə layihə meneceri” vakansiyasını elan edir!

Vəzifə öhdəlikləri:
•      Dövlət qurumları ilə görüşlər təşkil etmək və layihələr ilə bağlı təqdimatlar keçirmək;
•      Güclü rəqəmsal ekosistemin qurulmasına dəstək üçün tərəfdaşlar və həmkarlar arasında əməkdaşlığı, bilik mübadiləsini və rəqəmsal təcrübələri paylaşmaq;
•      Proseslərin və xidmətlərin rəqəmsallaşdırılması məqsədilə tərəfdaşlarla işləyərək rəqəmsal strategiyanın qurulması prosesinə dəstək vermək;
•      Mürəkkəb layihələr üzrə strateji idarəetməni təmin etmək;
•      Layihədə marağı olan tərəflərlə işləmək və səmərəli kommunikasiyanı təmin etmək;
•      Layihələrin həcmini və məqsədlərini, eləcə də məqsədlərə çatmaq üçün resurs ehtiyacını müəyyən etmək;
•      Layihənin büdcə və əsas keyfiyyət göstəricilərini müəyyən etmək;
•      Vaxt qrafikini izləməklə layihələrə davamlı olaraq nəzarət etmək, mərhələlərin gedişatını və keyfiyyətini qiymətləndirmək, zəruri hallarda risklərin azaldılması üzrə təkliflər vermək;
•      Qarşılıqlı asılılıqları idarə etmək və vaxt cədvəllərinə uyğunlaşdırmaq üçün digər layihə qrupları ilə
əlaqəni/koordinasiyanı həyata keçirmək;
•    

  Layihənin risklərini müəyyənləşdirmək və qabaqlayıcı tədbirlər planı hazırlamaq;
•      Layihəni izləmək və layihəyə nəzarəti həyata keçirmək;
•      Layihənin mərhələlərinin icrasını dəstəkləmək üçün müvafiq sənədləri hazırlamaq;
•      Layihələrlə bağlı hesabatlar, arayışlar və məlumatları hazırlamaq.
 
Tələb olunan bilik və bacarıqlar:
•      Güclü kommunikasiya bacarığı arzuolunandır;
•      Ali təhsil (Layihə idarəetməsi, İnformasiya və kommunikasiya texnologiyaları sahəsində ali təhsili olan namizədlərə üstünlük verilir)
•      Layihə idarəetməsi üzrə beynəlxalq sertifikatlar arzuolunandır;
•      Dövlət qurumları ilə iş təcrübəsinin olması arzuolunandır;
•      Rəqəmsal/İT layihələrin idarə edilməsi sahəsi üzrə ən az 1 (bir) il iş təcrübəsi;
•      Dil bilikləri: Azərbaycan dili – əla, ingilis və ya rus dili – yaxşı
•      Microsoft Office proqramlarını (Excel, Word, MS Visio, PowerPoint, MS Project) yaxşı səviyyədə bilmək;
•      Layihə idarəetməsi proqramlarında işləmək qabiliyyəti.

Maraqlanan şəxslər mövzu hissəsində "Rəqəmsal inkişafın əlaqələndirilməsi üzrə layihə meneceri" qeyd etməklə CV-lərini [email protected] elektron poçt ünvanına göndərə bilərlər.