"Green Fintech Startup Challenge"a qeydiyyat başladı!

"Green Fintech Startup Challenge"a qeydiyyat başladı! 

Müsabiqənin əsas istiqamətləri aşağıdakılardır:

Verilmiş kreditlərin ətrafa mühitə təsirini ölçən kredit qiymətləndirilməsi aləti;

Blokçeyn əsaslı dayanıqlı və şəffaf təchizat zəncirinin qurulması platforması;

Elektron ticarətdə karbon ayaq izi kalkulyatoru;

Süni intelekt əsaslı ESG məlumatları üçün maliyyə əməliyyatlarını təhlil edən və bizneslər üçün fərdi tövsiyələr verən hesabat aləti.

Müraciətçilər bu istiqamətlərlə yanaşı “Greentech” sahələrini əhatə edən digər innovativ həlləri ilə də müsabiqəyə qatıla bilərlər. 

Rəqəmsal innovasiya konsepsiyasına və pre-inkubasiya hədəflərinə uyğun gələn ən yaxşı layihələr ABB İnnovasiya Mərkəzinin İnkubasiya proqramına qəbul olunacaq. Həmçinin startaplar davamlı mentor dəstəyi və peşəkar sahə ekspertləri ilə netvorkinq imkanı əldə edəcəklər.

Növbəti mərhələyə keçən komandalar noyabr ayında Bakıda keçiriləcək dünyanın ən böyük iqlim dəyişikliyi tədbiri COP29-da ideyalarını təqdim edib, investorlara çıxış imkanı qazanacaqlar.

 Daha ətraflı məlumat və müraciət üçün: https://abbinnovation.az/az/hackathon