ARDNF Yay Təcrübə Proqramını elan edir

Proqramın qısa təsviri

Təcrübə proqramı sonuncu kurs tələbələri, məzunlar, magistr və ya MBA pilləsində təhsil alan tələbələr üçün nəzərdə tutulmuşdur. Fondun təşkil etdiyi təcrübə proqramı tələbələrin və məzunlarının karyera inkişafında və gələcək planlarında mühüm rol oynayacaqdır. Təcrübə proqramı Fondun aşağıda adları qeyd olunan departamentləri üzrə təşkil olunur. İnvestisiya departamenti Təhsil: Biznesin idarəedilməsi (Maliyyə istiqaməti üzrə), maliyyə və ya iqtisadiyyat Riskləri idarəedilməsi departamenti Təhsil: Maliyyə, statistika və ya riyaziyyat Büdcə proqnozlaşdırma və layihələr departamenti Təhsil: Riyaziyyat və ya iqtisadiyyat üzrə təhsil Neft kontraktları departamenti Təhsil: Biznesin idarəedilməsi, menecment, maliyyə və ya iqtisadiyyat Daxili audit departamenti Təhsil: Maliyyə, audit və oxşar sahələr üzrə təhsil İnformasiya texnologiyaları departamenti Təhsil: İT idarəedilməsi və ya mühəndisliyi , maliyyə, iqtisadiyyat, biznesin idarəedilməsi, riyaziyyat, statistika və s. İctimaiyyətlə əlaqələr departamenti Təhsil: Biznesin idarəedilməsi, menecment, marketinq, jurnalistika və ya oxşar sahələr İnsan resursları departamenti Təhsil: İnsan resursları, statistika, biznes idarəetmə, inzibati idarəetmə və ya oxşar sahələr

Təcrübə proqramında iştirak etmək üçün tələb olunan keyfiyyətlər

• Universitet təhsilinin sonuncu ilində təhsil alan, yeni bitirən məzun və ya magistr təhsil pilləsi üzrə təhsil alan tələbələr;
• Azərbaycan və ingilis dillərində səlis oxuma, yazma və danışma bacarığı (digər xarici dillərdən sərbəst istifadə vərdişləri əlavə üstünlük olaraq nəzərə alınır);
• Kommunikasiya və təşkilatçılıq, intensiv iş mühitində işləyə bilmə, davamlı öyrənmə bacarığı;
• MS Office proqramlarından sərbəst istifadə bacarığı.

Təcrübə proqramının üstünlükləri

• Dünya üzrə tanınmış suveren fondlarından birində təcrübə proqramı keçmək fürsəti;
• Maliyyə bazarları və investisiya idarəetməsi üzrə təhsilin artırılması, vəsaitlərin idarə edilməsi sahəsində yüksək səviyyəli bacarıqların, mürəkkəb tapşırıqların həll olunmasında analitik yanaşma və məsələlərin dərin təhlili qabiliyyətlərinin inkişaf etdirilməsi;
• Əyani tapşırıqlar üzərində işləməklə müvafiq sahədə praktik vərdişlərin qazanılması;
• Qlobal səviyyədə qəbul olunmuş korporativ idarəetmə və korporativ mədəniyyət prinsipləri üzərində təşkil olunan məsələlərin həllində komanda işi yanaşması metodlarından faydalanan daxili idarəetmə sisteminin bir hissəsi olmaqla müasir korporativ idarəçilik prinsiplərinin əyani mənimsənilməsi;
• Təcrübə proqramını uğurla tamamlamaqla Fondda daimi işə qəbul olunma imkanı.

Müraciət və qəbul prosesi

Proqramın müddəti və təşkil olunma forması Təcrübə proqramının davamiyyət müddəti 2 ay olmaqla qarışıq (distant və əyani şəkildə) formada təşkil olunur. Təcrübə proqramı ödənişsizdir. Seçim mərhələləri Seçim prosesi 2 mərhələdən ibarətdir. Birinci mərhələdə namizədlər təcrübə proqramını keçmək istədikləri departamentin adını mövzu bölümündə qeyd etməklə aşağıdakı e-poçt ünvanına CV göndərməli və aşağıdakı linkdə tələb olunan məlumatları doldurmalıdırlar. https://docs.google.com/forms/d/e/1FAIpQLSd0GSPliM97MWR9OpsnUp8o90cTQGIBRW1pDvQq2CvFUhIDlA/viewform?vc=0&c=0&w=1&flr=0 E-poçt:[email protected] Son müraciət tarixi 11 iyun 2021-ci il. İkinci mərhələdə seçilmiş məzunlar Qrup müsahibəsi sessiyasına dəvət olunacaqlar. Qrup müsahibəsi üçün nəzərdə tutulmuş mövzu seçilmiş iştirakçılara əvvəlcədən göndəriləcəkdir. İştirakçılar 4-6 nəfər olmaqla komandalara bölünəcəklər. Müzakirə üçün 60 dəqiqə vaxt ayrılacaqdır. İştirakçıların hər biri özünü təqdim etdikdən sonra mövzu ilə bağlı qısaca fikrini bildirərək qrup müzakirəsi ilə davam etdirəcəklər. Qrup müsahibəsindən sonra iştirakçılar aidiyyəti departamentin mentorunun iştirakı ilə qısa müsahibəyə dəvət olunacaqlar. Əlaqə Azərbaycan Respublikası Dövlət Neft Fondu, İnsan Resursları departamenti Heydər Əliyev pr. 165, AZ 1029 (+994 12) 498 77 53 (dax. 8005/8006/8007)