“Bir Könüllü” Təşkilatının sədri Strasburqda beynəlxalq tədbirdə iştirak edir

“Bir Könüllü” Təşkilatının sədri Strasburqda beynəlxalq tədbirdə iştirak edir

    Azərbaycan nümayəndə heyəti Fransanın Strasburq şəhərində Avropa Şurası tərəfindən təşkil olunan gənclər sektorunun 50 illik yubileyi münasibətilə “Democracy Here | Democracy Now” kampaniyasının “Youth Action Week” tədbirində iştirak edirlər. Belə ki, 28 iyun – 1 iyul tarixlərini əhatə edəcək tədbir Avropa Şurasının üzv ölkələrindən 400 gəncin bir araya gəlməsini nəzərdə tutur. Tədbir çərçivəsində “Bir Könüllü” Tələbələrin Əməkdaşlığı İctimai Birliyinin sədri Ülvi Əlizad�� demokratiyanın yaşadılmasında insan hüquqları, gənclərin iştirakı, rəqəmsallaşma və sülh təşəbbüslərinin əhəmiyyətini vurğulayacaq 22 fərqli təlim və seminarlarda fəal iştirak edir. Qeyd edək ki, “The Youth Action Week” təşəbbüsünün başlıca məqsədi Avropa Şurası üzv ölkələrində demokratiya istiqamətində mövcud çağırışları, onların gənclərə və cəmiyyətə təsirini müzakirə etmək, gənclərin bu istiqamətdə məlumatlılığının artırılması, demokratiyanın davamlılığında rəqəmsallaşdırma istiqamətində və gənclərin iştirakını artıran layihələrin hazırlanaraq planlaşdırılmasıdır.