“HTML və CSS” üzrə təlimlərə müraciətlər qəbul olunur

Sənaye və İnnovasiyalar üzrə Bakı Dövlət Peşə Təhsil Mərkəzi tərəfindən “HTML və CSS” üzrə təlimlərə müraciətlər qəbul olunur. Təlim iştirakçıları veb saytların dizayn maketlərindən HTML səhifələrin hazırlanmasının əsas prinsiplərinə yiyələnəcəklər. Qeyd edək ki, veb-dizayner, veb saytların yaradılması və idarə edilməsi üzrə mütəxəssis və veb-proqramçı kimi bütün ixtisasların təməlində HTML və CSS durur. Təlim bu sahəni sıfırdan öyrənmək istəyənlər üçün nəzərdə tutulmuşdur Təlim üçün əsas meyarlar: - Minimum tam orta təhsil; - Riyazi hesablama bacarıqları, məntiqi və analitik düşünmə qabiliyyəti. Təlim müddəti: 108 saat (2.5 ay) Təlim Sənaye və İnnovasiyalar üzrə Bakı Dövlət Peşə Təhsil Mərkəzində keçiriləcək. İlkin mərhələdə seçilmiş namizədlər növbəti seçim mərhələsinə keçid üçün dəvət alacaqlar. Son olaraq seçilmiş namizədlər təlim haqqından azad ediləcəklər. Təlimi müvəffəqiyyətlə bitirən iştirakçılara sertifikatlar təqdim ediləcək. Müraciətləri 07 iyun, 2021-ci il tarixinədək aşağıdakı linkə keçid edərək göndərə bilərsiniz: https://forms.office.com/r/yjfJAWHgEL