“İƏT Modeli - Beynəlxalq Münasibətlər Akademiyası 2022” layihəsinə qeydiyyat başladı

QEYDİYYAT BAŞLADI! İƏT Gənclər Forumu Avrasiya Regional Mərkəzi və Azərbaycan Respublikası Gənclər və İdman Nazirliyinin birgə əməkdaşlığı ilə həyata keçirilən “İƏT Modeli - Beynəlxalq Münasibətlər Akademiyası 2022” layihəsinə qeydiyyatın başlandığını elan edir! Qeyd edək ki, son iki ildə onlayn formatda keçirilən İƏT Modeli - Beynəlxalq Münasibətlər Akademiyasının 2022-ci il Sessiyası iki ildən sonra nəhayət ki, canlı iştirak ilə həyata keçiriləcəkdir. Müsahibələrdən uğurla keçəcək iştirakçılar 5 həftə davam edəcək mühazirələrdə İslam Əməkdaşlıq Təşkilatı (İƏT) ölkələrinin Azərbaycandakı səfirləri və qonaq ekspertlər ilə görüşüb müxtəlif mövzularda öz bilik və təcrübələrini artıracaqlar. Yekun olaraq isə iştirakçılar öyrəndikləri bilik və bacarıqları İƏT Xarici İşlər Nazirləri Şurasının simulyasiya konfransında praktiki şəkildə diplomatik etiketə uyğun olaraq tətbiq edə biləcəklər! Qeydiyyat linki: https://lnkd.in/g73MYqhH Qeydiyyat üçün son tarix: 15 mart 2022, saat 23:59 (Bakı vaxtı ilə). __________________________________________________________________________________________________________