Müəllimlərin sertifikatlaşdırılma imtahanının vaxtı bəlli olub

Müəllimlərin sertifikasiya imtahanı 18-26 iyunda keçiriləcək.

"Azərbaycan müəllimi" xəbər verir ki, bunu Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinin (MÜTDA) direktoru Eşqi Bağırov jurnalistlərə açıqlamasında deyib.

“18-26 iyun tarixlərində bu il ilk dəfə sertifikaflaşdırmada biologiya, coğrafiya, informatika fənləri üzrə müəllimlər iştirak edəcək. Eyni zamanda, ötən il birinci cəhddə uğursuz olanlar ikinci cəhd kimi həmin tarixlərdə imtahan verə biləcəklər. İmtahan vaxtı və yeri ilə bağlı əlavə məlumatlar sabah gün sonuna qədər müəllimlərin şəxsi səhifəsinə göndəriləcək",- o bildirib.