18 İyul, 2025 - 11:30
771
"Payız Zəfəri" adlı düşərgənin qeydiyyat mərhələsinə start verilir
- Dərc edildi: 13 Oktyabr, 2021 - 11:57
Azərbaycan Respublikasının Gənclər Fondunun dəstəyi və Gənclərin Maarifləndirilməsinə Dəstək İctimai Birliyinin təşkilatçılığı ilə 20-27 oktyabr tarixlərində "Payız Zəfəri" adlı düşərgənin qeydiyyat mərhələsinə start verilir!
Göygöl Olimpiya Kompleksində 18-25 yaş arasındakı gənclərin iştirakı ilə keçiriləcək düşərgənin məqsədi gəncləri xaricdə təhsil, təqaüd proqramları və oradakı tələbə mühiti haqqında maarifləndirməkdir.
7 gün davam edəcək düşərgə müddətində gənclərimiz ölkəmizdən kənarda təhsil almış, cəmiyyət arasında sosial-aktiv fəaliyyəti olan şəxslər tərəfindən keçirilən təlim və seminarlarda iştirak edəcək, 44 günlük müharibə zamanı yaralanmış qazilərlə görüşlər, komanda oyunları, yarışlar və ekskursiyalar təşkil olunacaqdır.
"Payız Zəfəri" düşərgəsində iştirak etmək istəyən gənclər 16 oktyabr 2021-ci il tarixinədək qeydiyyatdan keçə bilərlər.
Qeydiyyat linki:
Rəy bildirin
Hələ heç bir rəy yazılmayıb