Elm və Təhsil Nazirliyi və Təhsil TV-də tələbələr üçün təcrübə proqramı

Elm və Təhsil Nazirliyi və Təhsil TV-də tələbələr üçün təcrübə proqramı

Elm və Təhsil Nazirliyinin İctimaiyyətlə əlaqələr sektoru və Təhsil TV tələbələri təcrübə proqramına dəvət edir. Seçilmiş iştirakçılar 4-6 ay müddətində sektorun və televiziyanın gördüyü işlərlə tanış olacaq, müvafiq tapşırıqları icra edəcəklər. Müraciət sorğusuna keçid aşağıda verilib.
 
Kimlər müraciət edə bilər?
- Bakı və ətrafında yerləşən ali təhsil müəssisələrinin (universitet, akademiya və s.) tələbələri;
- İngilis dili bilikləri B1-B2 (intermediate, upper-intermediate) səviyyəsində olanlar;
- İctimaiyyətlə əlaqələr, marketinq, sosial media, videoçarxların hazırlanması ilə maraqlananlar;  
- Həftədə 10-15 saat onlayn və oflayn işləmək istəyənlər;
- Şənbə günləri 2 saatlıq təlimlərə qoşulmaq imkanı olanlar.

Təcrübə proqramından nə əldə edəcəksiniz?
- 4-6 ay müddətində ETN-nin İctimaiyyətlə əlaqələr sektorunda və Təhsil TV-də peşəkar təcrübə keçmək imkanı;
- İctimaiyyətlə əlaqələr, yaradıcılıq, marketinq və layihələrin idarə olunması üzrə 2 aylıq təlim (cəmi 8 dəfə);
- Elm və təhsil sahəsində ictimaiyyətlə əlaqələr, SMM ilə bağlı ideyalarınızı təkmilləşdirmək və həyata keçirmək imkanı.

Proqramın sonunda minimum tələbləri ödəyən iştirakçılara sertifikat təqdim olunacaq. 

Müraciət üçün son tarix: 31.12.2022

Müraciət sorğusu: https://lnkd.in/eqvkWTJy