Gənc Psixoloqların Yay Məktəbi təşkil ediləcək

Azərbaycan Respublikasının Gənclər və İdman Nazirliyi və "Gənc Psixoloqlar" İctimai Birliyinin birgə təşkilatçılığı ilə 1-6 avqust 2022-ci il tarixində İsmayıllı Olimpiya Kompleksində Gənc Psixoloqların Yay Məktəbi təşkil ediləcək. Yay məktəbinin əsas məqsədi psixologiya ixtisası üzrə təhsilin yuxarı pillələrində təhsil alan və ya əmək fəaliyyətinə yeni başlamış gənc mütəxəssislərin xüsusilə həssas qruplarla işlə bağlı peşə bacarıqlarının artırılmasından ibarətdir. Yay məktəbində iştirak etmək üçün son müraciət tarixi 20 iyul 2022-ci ildir. Müraciət üçün aşağıdakı keçidə daxil olmaq lazımdır. https://docs.google.com/.../1FAIpQLSemzXSIr77HjD.../viewform